Kommunit
nalunaarsuisarfiinit nalunaarsuutit
Isumaginninnermut
nalunaarsuutit tunngaviusut kommunit nalunaarsuiffianninngaanneerput.
Nalunaarsuutit Kommunit akuerisaannik KIMIK IT A/S-imit tiguneqarput. Isumaginninnermut
naatsorsuutit allattorsimaffiat aammalu nalunaarsuutit tunngaviusut qulequttani
tulliuttuni taaneqartut Datatilsynet-mit akuerineqarlutik nassuiarneqarput.
2018-i aallarnerfigalugu Sermersuumi nalunaarsuuserisarfik Prisme,
nalunaarsuutinik toqqaannartunik aallerfiusoq, atulerpoq.
Suliffeqanngikkallarnermi ikiorsiineq, suliffeqannginnermi aamma
suliffeqanngikkallarnermi ikiorsiineq napparsimanermi, tamarmik
suliffeqannginnermi ikiorsiissuteqarnertut ataatsimoortinneqarput.
Qeqqata
Kommunianut tunngasunut 2019-imi Prisme atorneqalerpoq, 2020-lu
aallarnerfigalungu Kommuni Qeqertalimmi aamma Avannaata Kommuniani
atorneqalerluni.
2018-i
aallarnerfigalugu akileraarutaasussatut pisortanit ikiorsiissutaasartut
ataatsimut katinneqarput, pisortani ataatsimoorussamik kontoplanini
ikiorsiissutinut immikkoortiterinerit nutaat malillugit.
Uuttuutit atorneqartut
Isumaginninnermut
tunngasut kisitsisitigut paasissutissaanni uuttuutit pingaarnerit tassaapput:
· Inuup-normua
· Ikiorsiissutip suunera (arts- aamma kontonormu)
· Ulloq ikiorsiissuteqarfigineqartoq (ulloq, qaammat aamma ukioq)
· Ikiorsiissutip annertussusaa (aningaasat koruuninngorlugit)
Kisitsisitigut
paasissutissat aaqqissuunneri
Nalunaarsuutit tunngaviusut allaffissorluni nalunaarsuiffinninngaanneerput, kisitsisitigullu paasissutissiinermut atortussiatut ineriartortitaanatik, taamaattumillu nalunaarsuutit tunngaviusut suliareqqillugit misissorlugillu suliaapput.
Nalunaarsuutinik
misissuineq
Ikiorserneqarsimasut
allattorsimaffianni ilaasut ikiorserneqareernerup kingorna ikiorsiissutinik
utertitsisimasut (ikiorsiissutigineqartunik taarsiisimasut),
kukkunermilluunniit allattorsimaffimmiittut naatsorsuutinut ilaanngillat. Inuup
normui atorsinnaanngitsut nakkutiginnilluni misissuinermi peerneqarput.
Kommunit naatsorsuutaannit aammalu kommunini tapiissutigineqarsimasut
naatsorsuutaannit uani saqqummersitami annikitsumik allaanerussuteqartoqarnera
nalunaarsuutinik atorneqartunik misissuinerup takutippaa.
Kommunit
naatsorsuuseriviini kisitsisinilu paasissutissani saqqummiunneqartuni
ikiorsiinerit ukiup siuliani pisut ilaasinnaapput; soorlu ikiorsiinerup
pereerneratigut akiliinerit akinut malittarisassaliorsimanerup kinguneratigut
pisimasut, taamaattumillu aningaasat amerlassusaat akinik
malittarisassaliorsimanerup kingunerisaanit ikiorseereernermi akiliisimanertut
nalilersukkat 500 kr.- t ataallugit annertussusillit piaarneqarput. Pisortanit
ukiup ingerlanerani ikiorserneqarsimasutut naatsorsuinermi 500 kr.-nik anginermilluunniit
ikiorserneqarsimasut naatsorsuutini killigititaapput,
suliffeqanngikkallarnermilu aammalu ernereernermi ullormusianut il.il 1.000
kr.-t killigititaallutik.